పెద్దతండా వాసి బానోతు సురేందర్‌కు డాక్టరేట్..

దిశ, నెల్లికుదురు : మహబూబాబాద్ జిల్లా నెల్లికుదురు మండలంలోని పెద్ద తండాకు చెందిన బానోత్ సురేందర్ కాకతీయ విశ్వవిద్యాలయం నుంచి శుక్రవారం గౌరవ డాక్టరేట్ అందుకున్నారు. ఈ సందర్భంగా ఆయన మాట్లాడుతూ.. రసాయనశాస్త్రంలో చేసిన పరిశోధనలకు కౌన్సిల్ ఆఫ్ సైంటిఫిక్ అండ్ ఇండస్ట్రియల్ రీసెర్చ్, ఇండియన్ ఇన్స్టిట్యూట్ ఆఫ్ టెక్నాలజీ‌లోని డాక్టర్ బచ్చు వెంకటేశ్వరరావు ఆధ్వర్యంలో స్టీరియో సెలెక్టివ్ టోటల్ సింథసిస్ ఆఫ్ హై గ్రోఫో రోన్ మరియు సింథసిస్ ఆఫ్ యువకలోల్స్ అనే అంశంపై అధ్యయనం చేసి కాకతీయ యూనివర్సిటీకి సమర్పించినట్టు తెలిపారు. దీనికి గాను రసాయనశాస్త్రంలో ప్రొఫెసర్ డేవిడ్, వాసుదేవ రెడ్డి, రామేశ్వరిలతో పాటు అధ్యాపకులు అభినందించి డాక్టరేట్ ప్రదానం చేశారన్నారు. ఈ విషయం తెలియడంతో పెద్ద తండా సర్పంచ్ బానోతు రాజు నాయక్ కాల్ చేసి సురేందర్‌ను అభినందించినట్టు తెలిపారు.