జనవరి 16 నుంచి ‘బంగార్రాజు’ షూటింగ్ స్టార్ట్?

దిశ, వెబ్‌డెస్క్: కింగ్ నాగార్జున హీరోగా రమ్యకృష్ణ హీరోయిన్‌గా నటించిన ‘సోగ్గాడే చిన్నినాయన’ చిత్రం బాక్సాఫీస్ దగ్గర మంచి విజయం అందుకున్న విషయం తెలిసిందే. అయితే ఈ సినిమాకు సీక్వెల్ వస్తుందని చిత్ర యూనిట్ ఎప్పుడో ప్రకటించింది. కానీ ఇంతవరకూ చిత్రానికి సంబంధించి ఎలాంటి ఆప్‌డేట్ ప్రకటించలేదు. దీంతో ఈ సినిమాపై అభిమానులకు అనుమానాలు రేకెత్తుతున్న సమయంలో ఈ చిత్రానికి సంబంధించిన ఓ అప్‌డేట్ సోషల్ మీడియాలో ఓ వార్త చక్కలు కొడుతోంది. ఈ సినిమా షూటింగ్‏ను వచ్చే ఏడాది జనవరి 16 నుంచి ప్రారంభించబోతున్నట్లుగా టాక్ వినిపిస్తోంది. జనవరిలో చిత్రీకరణ మొదలుపెట్టి సింగిల్ షెడ్యూల్‏లోనే షూటింగ్ పూర్తి చేయాలని చిత్రబృందం ప్లాన్ చేస్తోందట. అంతేగాకుండా ఈ సినిమాలో రమ్యకృష్ణ మళ్లీ ఓ కీలకపాత్రలో నటించబోతుందట. సోగ్గాడే చిన్నినాయనా సినిమాలాగే బంగార్రాజు సినిమా కూడా ప్రేక్షకులను అలరిస్తుందో లేదో చూడాలి.