కొండా విశ్వేశ్వర్ రెడ్డి ఛాలెంజ్‌ను స్వీకరిస్తున్నా : బండి సంజయ్
దిశ, వెబ్‌డెస్క్: ముఖ్యమంత్రి కేసీఆర్‌పై తెలంగాణ బీజేపీ చీఫ్, కరీంనగర్ ఎంపీ బండి సంజయ్ తీవ్ర వ్యాఖ్యలు చేశారు. ప్రజా సంగ్రామ యాత్రలో భాగంగా సోమవారం ఆయన మీడియాతో మాట్లాడుతూ.. ప్రజా సమస్యలపై ప్రశ్నిస్తే రాజద్రోహం కేసులు పెడతారా? అని ప్రశ్నించారు. టీఆర్ఎస్ ప్రభుత్వానికి దమ్ముంటే నాపై రాజద్రోహం కేసు పెట్టాలని సవాల్ విసిరారు. అంతేగాకుండా.. టీపీసీసీ చీఫ్ రేవంత్ రెడ్డి వైట్ ఛాలెంజ్‌ను స్వీకరించిన మాజీ ఎంపీ కొండా విశ్వేశ్వర్ రెడ్డి మరో ఇద్దరికి ఆ […]
దిశ, వెబ్‌డెస్క్: ముఖ్యమంత్రి కేసీఆర్‌పై తెలంగాణ బీజేపీ చీఫ్, కరీంనగర్ ఎంపీ బండి సంజయ్ తీవ్ర వ్యాఖ్యలు చేశారు. ప్రజా సంగ్రామ యాత్రలో భాగంగా సోమవారం ఆయన మీడియాతో మాట్లాడుతూ.. ప్రజా సమస్యలపై ప్రశ్నిస్తే రాజద్రోహం కేసులు పెడతారా? అని ప్రశ్నించారు. టీఆర్ఎస్ ప్రభుత్వానికి దమ్ముంటే నాపై రాజద్రోహం కేసు పెట్టాలని సవాల్ విసిరారు. అంతేగాకుండా.. టీపీసీసీ చీఫ్ రేవంత్ రెడ్డి వైట్ ఛాలెంజ్‌ను స్వీకరించిన మాజీ ఎంపీ కొండా విశ్వేశ్వర్ రెడ్డి మరో ఇద్దరికి ఆ ఛాలెంజ్‌ను విసిరిన సంగతి తెలిసిందే. బీజేపీ రాష్ట్ర అధ్యక్షుడు బండి సంజయ్, బీఎస్పీ కోఆర్డినేటర్ ఆర్ఎస్ ప్రవీణ్ కుమార్‌లకు వైట్ ఛాలెంజ్ విసురుతున్నట్లు తెలిపారు. ఈ నేపథ్యంలో కొండా విశ్వేశ్వర్ రెడ్డి ఛాలెంజ్‌పై స్పందించిన బండి సంజయ్, స్వీకరిస్తున్నట్లు ప్రకటించారు. అయితే, ప్రస్తుతం తాను ‘ప్రజా సంగ్రామ యాత్ర’లో ఉన్నానని, అక్టోబర్ 2వ తేదీన తన పాదయాత్ర పూర్తవుతుందని, ఆ తర్వాత ఎక్కడికి రమ్మంటే అక్కడికి వస్తా, ఏ టెస్టుకైనా సిద్ధం అని స్పష్టం చేశారు.