Viskha: ఇంట్లోనే గంజాయి వ్యాపారం.. దంపతుల అరెస్ట్

దిశ, విశాఖ: విశాఖ జిల్లా పెందుర్తిలో భారీగా గంజాయి పట్టుబడింది. భార్య భర్తలు వేపగుంటలో ఇంట్లో గంజాయి వ్యాపారం సాగిస్తుండగా పోలీసులకు సమాచారం అందింది. దీంతో స్పాట్‌కు వెళ్లిన పోలీసులు 200 కేజీల గంజాయి బ్యాగులు స్వాధీనం చేసుకున్నారు. అల్లూరి జిల్లా ముంచింగిపుట్టు నుంచి గంజాయిని తీసుకొచ్చినట్లుగా నిందితులు నుంచి సమాచారాన్ని పోలీసులు రాబట్టారు. ఈ క్రమంలో ఇద్దరు భార్య భర్తలను పెందుర్తి పోలీసులు అదుపులోకి తీసుకున్నారు. మరో ఇద్దరు నిందితులు పరారీలో ఉన్నట్లు పోలీసులు తెలిపారు.