Breaking: మాజీ ఎమ్మెల్యే గిడ్డి ఈశ్వరికి తప్పిన ప్రమాదం.. కారు ముందు భాగం నుజ్జు నుజ్జు

దిశ, వెబ్ డెస్క్: పాడేరు మాజీ ఎమ్మెల్యే గిడ్డి ఈశ్వరి రోడ్డు ప్రమాదం నుంచి బయటపడ్డారు. ఆమె ప్రయాణిస్తున్న స్కార్పియో వాహనాన్ని లారీ ఢీకొట్టింది. ఈ ఘటనలో గిడ్డి ఈశ్వరి కారులో వెనుక కూర్చడంతో ప్రమాదం నుంచి సేఫ్‌గా బయటపడ్డారు. కారు ముందు భాగం నుజ్జు నుజ్జు అయింది. కారు డ్రైవర్ కూడా ప్రమాదం నుంచి బయటపడ్డారు. విజయవాడ వెళ్తుండగా కత్తిపూడి సమీపంలో ఈ ప్రమాదం జరిగింది. స్థానికుల సహాయంతో ఆమె మరో వాహనంలో విజయవాడ వెళ్లారు. విషయం తెలుసుకున్న పోలీసులు ఘటనపై కేసు నమోదు చేసి దర్యాప్తు చేస్తున్నారు.