Anakapalli: దేవుడి ఊరేగింపులో అప‌శ్రుతి.. 13 మందికి గాయాలు

దిశ, వెబ్ డెస్క్: దేవుడి ఊరేగింపులో అపశ్రుతి చోటు చేసుకుంది. మంటలు అంటుకుని ముగ్గురు భక్తులకు తీవ్ర గాయాలు కాగా మరో పదిమందికి స్వల్పగాయాలయ్యాయి. ఈ ఘటన అనకాపల్లి గొల్లవీఢిలో జరిగింది. కార్తిక పౌర్ణమి సందర్భంగా స్వామివారి ప‌ల్లకీ ఊరేగింపు కార్యక్రమం నిర్వహించారు. అయితే కార్యక్రమంలో జ్వాలాతోరణం కిందపడింది. ఈ ఘటనలో 13 మందికి గాయాలయ్యాయి. దీంతో బాధితులను అన‌కాప‌ల్లి ప్రభుత్వ ఆసుప‌త్రికి తరలించారు. ప్రస్తుతం ప్రాణాపాయం లేదని, వైద్యం అందిస్తున్నామని డాక్టర్లు తెలిపారు.