Visakha: బాలుడిని చంపి సముద్రంలో పడేసిన దుండగులు

దిశ, వెబ్ డెస్క్: విశాఖలో దారుణం జరిగింది. బాలుడిని గుర్తు తెలియని వ్యక్తులు అతికిరాతకంగా చంపారు. అనంతరం బాలుడి మృతదేహాన్నిగోనెసంచిలో పెట్టి ఫిషింగ్ హార్బర్ సముద్రంలో పడేశారు. విషయం తెలుసుకున్న పోలీసులు బాలుడి మృతదేహాన్ని పోస్టుమార్టంకు తరలించారు. స్థానిక సీసీ ఫుటేజ్‌లను పరిశీలించారు. నలుగురిని అదుపులోకి తీసుకుని విచారిస్తున్నట్లు తెలుస్తోంది. అయితే బాలుడు ఎవరు..?. ఎందుకు హత్య చేశారు? అనే కోణంలో పోలీసులు దర్యాప్తు చేస్తున్నారు. ఈ ఘటనతో విశాఖ సిటీలో ఒక్కసారిగా కలకలం రేగింది.