sonu sood: వరద బాధితులకు షెల్టర్ ఇస్తానన్న సోనూసూద్.. సాయం కోసం ఈ లింక్‌ను సంప్రదించాలంటూ పోస్ట్

దిశ, సినిమా: రెండు తెలుగు రాష్ట్రాల్లో భారీ వర్షాలు కురవడంతో వరదల వల్ల ప్రజలు తీవ్ర ఇబ్బందులు పడుతున్న విషయం తెలిసిందే. అయితే ఏపీలో విజయవాడ (Vijayawada), తెలంగాణలోని ఖమ్మం (khammam) జిల్లాలను వరద నీరు ముంచెత్తడంతో స్థానిక ప్రజలు ఆహారం, నీరు లేక నానా అవస్థలు పడుతున్నారు. దీంతో ఏపీ సీఎం చంద్రబాబు వరద ప్రాంతాల్లో పగలు రాత్రి అనే తేడా లేకుండా పర్యటిస్తూ వారికి అండగా నిలుస్తున్నారు. ఈ క్రమంలో.. పలువురు సినీ సెలబ్రిటీలు కూడా వరదల కారణంగా తమ ఇల్లు కోల్పోయిన వారికి తమ వంతు సాయం చేస్తున్నారు. ఇప్పటికే టాలీవుడ్‌లో మెగాస్టార్ చిరంజీవి (Megastar Chiranjeevi), పవన్ కల్యాణ్, బాలకృష్ణ, ఎన్టీఆర్, విశ్వక్ సేన్, సిద్దు జొన్నలగడ్డ, అనన్య నాగళ్ల, త్రివిక్రమ్, నాగవంశీ, వెంకీ అట్లూరి వంటి వారు విరాళం అందించారు.

అలాగే యంగ్ హీరో సందీప్ కిషన్ తన టీమ్‌ను పంపించి నీరు, ఆహారం అందించేలా ప్లాన్ చేశాడు. తాజాగా, బాలీవుడ్ స్టార్ హీరో సోనూసూద్ (Sonu Sood) వరద బాధితులకు నేనున్నా అంటూ భరోసా ఇచ్చాడు. తెలుగు రాష్ట్రాల్లో ఇబ్బందులు పడుతున్న వరద బాధితులకు ఆహారం, తాగు నీరు, మెడికల్ కిట్స్ అందిస్తున్నట్లు తెలిపాడు. అంతేకాకుండా ఇల్లు కోల్పోయిన వారికి తాత్కాలిక షెల్టర్లు ఏర్పాటు చేస్తున్నామని వెల్లడించారు. దీనికోసం మా టీమ్ విశ్రాంతి లేకుండా పని చేస్తున్నారు. అలాగే ndrf టీమ్‌కు ధన్యవాదాలు. సాయం కోసం ఎదురు చూస్తున్నవారు నాకు లేదా మా supportus@soodcharityfountion.org ను సంప్రదించండి అని తెలిపారు. ఈ వీడియో తన ఇన్‌స్టా ద్వారా పోస్ట్ చేయడంతో అది చూసిన వారంతా గ్రేట్ అని ప్రశంసిస్తున్నారు.