తిరుమలలో పాము కలకలం.. ఎంత పొడవుందో..!

దిశ, తిరుమల: తిరుమలలో పాము కలకలం రేపింది. ఓ ఇంట్లోకి ప్రవేశించి హల్ చల్ చేసింది. దాంతో  ఇంట్లో ఉన్న వారు భయభ్రాంతులకు గురై బయటకు పరుగులు తీశారు. ఈ ఘటన తిరుమల బాలాజీ నగర్‌లో జరిగింది. సరోజమ్మకు చెందిన 1054 ఇంటిలోకి శుక్రవారం సాయంత్రం దాదాపు 8 అడుగులు పొడవున్న (జెర్రిపోతు) పాము ప్రవేశించింది. అనంతరం వంట గదిలో పాత్రల మధ్యలో నక్కి బసలు కొట్టింది. దీంతో పామును చూసిన ఇంటి సభ్యులు వెంటనే స్నేక్ కేచర్ భాస్కర్ నాయుడుకు సమాచారం అందించారు. సకాలంలో చేరుకున్న భాస్కర్ నాయుడు వంట గదిలో దాక్కున్న పామును చాకచక్యంగా పట్టుకున్నారు. దీంతో ఆ ఇంటి సభ్యులు ఊపిరి పీల్చుకున్నారు. ఇక పామును భాస్కర్ నాయుడు అటవీ ప్రాంతంలో వదిలిపెట్టారు.