టీడీపీ సీనియర్ నేత కన్నుమూత.. మంత్రి నారా లోకేష్ ఎమోషనల్ ట్వీట్

దిశ, వెబ్ డెస్క్: టీడీపీ పార్టీ కి చెందిన సీనియర్ నాయకుడు అలీ(ali) శనివారం అనారోగ్యంతో మృతి చెందారు. కాగా ఆయన మృతిపై ఇప్పటికే పలువురు టీడీపీ మంత్రులు, సీనియర్ నేతలు సంతాపం తెలపగా.. తాజాగా మంత్రి నారా లోకేష్(Nara Lokesh') ట్విట్టర్ ద్వారా స్పందించారు. ఈ సందర్భంగా మంత్రి తన ట్వీట్‌లో "తెలుగుదేశం పార్టీ వీరాభిమాని, అన్న ఎన్టీఆర్ నుంచి నేడు చంద్రబాబు వ‌ర‌కూ ప‌సుపు జెండాను భుజాన మోసిన అంకిత‌భావం క‌లిగిన టీడీపీ(TDP) సైనికుడు అలీ మృతి ప‌ట్ల సంతాపం తెలియ‌జేస్తున్నాను. కృష్ణా జిల్లా పమిడిముక్కల మండలం అలినఖీపాలెం గ్రామానికి చెందిన మిర్జా మొహమ్మద్ అలీ తెలుగుదేశం పార్టీ ఆవిర్భావం నుంచి పార్టీయే ప్రాణంగా భావిస్తూ ప‌నిచేశారు. గ్రామ‌ కార్యక‌ర్త నుంచి ఉమ్మడి కృష్ణాజిల్లా మైనార్టీ సెల్ ఉపాధ్యక్ష ప‌ద‌వి వ‌ర‌కూ చేప‌ట్టారు. ఎల్లప్పుడూ తెలుగుదేశం పార్టీ రంగు ప‌సుపు దుస్తుల‌నే ధ‌రించే అలీ సాబ్ లేని లోటు తీర‌నిది. వారి కుటుంబ‌స‌భ్యుల‌కు నా ప్రగాఢ సానుభూతి తెలియ‌జేస్తున్నాను." అని రాసుకొచ్చారు.