ఏపీలో ఎస్సై రాత పరీక్ష ఫలితాలు విడుదల

దిశ, వెబ్ డెస్క్: ఏపీలో ఎస్సై రాత పరీక్ష ఫలితాలు విడుదల అయ్యాయి. ఫలితాలు విడుదల హైకోర్టు గ్రీన్ సిగ్నల్ ఇచ్చింది. దీంతో ఎస్సై రాత పరీక్ష ఫలితాలను పోలీస్ రిక్రూట్ మెంట్ బోర్డు విడుదల చేసింది.

కాగా ఏపీలో అక్టోబర్ 15న ఎస్సై తుది రాత పరీక్షలు జరిగాయి. విశాఖ, ఏలూరు, గుంటూరు, కర్నూలు కేంద్రాల్లో అభ్యర్థులు పరీక్షలు రాశారు. మొత్తం 31,193 మంది తుది పరీక్షలకు అర్హత సాధించారు. వీరిలో 27,590 పురుషులు కాగా 3,603 మంది మహిళలు తుది పరీక్షలకు అర్హత సాధించారు. అయితే వీరిలో పేపర్-1 (ఇంగ్లీష్), పేపర్ -2 (తెలుగు) పరీక్షలకు 30,585 మంది అభ్యర్థులు పరీక్షలు రాశారు. పేపర్-3 (అర్ధమేటిక్, మెంటల్ ఎమిలిటీ) పరీక్షను 30,569 మంది రాయగా పేపర్-4 (జనరల్ స్టడీస్) పరీక్షను 30,560 మంది రాశారు.