రాష్ట్ర స్థాయి ఎడ్ల పందాల పోటీలను ప్రారంభించిన.. ఎమ్మెల్యే జూలకంటి

దిశ, కారంపూడి: కారంపూడి మండల పరిధిలో వీర ఆరాధనోత్సవాల సందర్భంగా ఐదు రోజుల పాటు జరిగే ఎడ్ల పందాలు శనివారం మాచర్ల ఎమ్మెల్యే జూలకంటి బ్రహ్మానంద రెడ్డి, మాజీ మంత్రి, ప్రస్తుతం ఎం ఎల్ సి అభ్యర్థి ఆలపాటి రాజేంద్ర ప్రసాద్‌తో కలిసి విర్ల అంకాలమ్మ గుడిలో ప్రత్యేక పూజలు నిర్వహించి అనంతరం ఎడ్ల పందాలను ప్రారంభించారు. ఈ సందర్భంగా అయన మాట్లాడుతూ ఎంతో చరిత్ర కలిగిన పల్నాడు వీరారాధన ఉత్సవాలను జరుపుకోవడం దైవ సంకల్పమన్నారు. ఎడ్ల పందాల పోటీదారులు తగు జాగ్రత్తలు వహిస్తూ పోటీల్లో పాల్గొని విజేతలుగా గెలవాలని ఆకాంక్షించారు. ఈ కార్యక్రమంలో టీడీపీ నేతలు పంగులూరు అంజయ్య, చప్పిడి రాము, గోళ్ళ సురేష్ యాదవ్, కటికల బాలకృష్ణ, గోరంట్ల నాగేశ్వరావు, సర్పంచ్ సరస్వతీ భాయి, కూటమి నేతలు, కార్యకర్తలు అభిమానులు తదితరులు పాల్గొన్నారు.