Ap News: రసవత్తరంగా రాజకీయం.. వైసీపీకి పోటీగా ప్రతి ఇంటికి టీడీపీ, జనసేన స్టిక్కర్లు

దిశ, వెబ్ డెస్క్: ఏపీలో స్టిక్కర్ల రాజకీయం రసవత్తరంగా మారింది. ‘మా నమ్మకం నువ్వే జగన్’ అంటూ వైసీపీ నేతలు ప్రతి ఇంటికి స్టిక్కర్లు అంటిస్తున్నారు. ఇందుకు కౌంటర్‌గా టీడీపీ, జనసేన నేతలు కూడా రంగంలోకి దిగారు. మీపై నమ్మకం లేదు జగన్ అంటూ ప్రతి ఇంటికి స్టిక్కర్లు అంటిస్తున్నారు. అయితే వైసీపీ నేతలు వెళ్లే సరికి జనసేన, టీడీపీ స్టిక్కర్ల కనిపించడంతో ఆగ్రహం వ్యక్తం చేశారు. తమ కార్యక్రమాలను అడ్డుకోవడం సరికాదని అంటున్నారు. ప్రతిపక్ష నాయకులు ఎన్ని స్టంట్లు చేసినా వచ్చే ఎన్నికల్లో అధికారం మాత్రం తమదేనంటున్నారు. ప్రధానంగా కృష్ణా జిల్లాలో మూడు పార్టీల స్టిక్కర్లతో ఇళ్ల గోడలు నిండిపోతున్నాయి. ఇలాంటి పరిస్థితి రావడంతో అటు ప్రజలు కూడా గందరగోళానికి గురవుతున్నారు. ఎవరి స్టిక్కర్లను వద్దంటే ఏం జరుగుతుందోనని  ఆందోళన చెందుతున్నారు.