YSRCP:వైసీపీకి మరో ఎమ్మెల్సీ గుడ్ బై?

దిశ,వెబ్‌డెస్క్: ఏపీలో వైసీపీ(YSRCP)కి వరుస షాక్‌లు తగులుతున్నాయి. ఈ ఏడాది జరిగిన అసెంబ్లీ ఎన్నికల్లో వైసీపీ ఘోర పరాజయం చవిచూసిన విషయం తెలిసిందే. అసెంబ్లీ ఎన్నికల(Assembly Elections) ఫలితాల్లో వైసీపీ కేవలం 11 స్థానాలు మాత్రమే దక్కించుకుంది. దీంతో పలువురు వైసీపీ నేతల్లో(YCP Leaders) అసహనం నెలకొంది. ఈ క్రమంలో పార్టీ నేతలు వైసీపీని వీడి అధికార పార్టీలో చేరుతున్నారు. కాగా ఇప్పటికే పలువురు వైసీపీ నేతలు అధికార టీడీపీలో చేరారు. ఈ క్రమంలో తాజాగా ఎమ్మెల్సీ పండుల రవీంద్రబాబు వైసీపీకి, పదవికి రాజీనామా చేయనున్నట్లు సమాచారం. పార్టీ అధిష్ఠానం తనను విస్మరించిందని ఆయన అసంతృప్తితో ఉన్నారని తెలుస్తోంది. జనసేనలో చేరేందుకు ఆ పార్టీ నేతలతో చర్చించారని వార్తలు వస్తున్నాయి. ఇప్పటికే పలువురు ఎమ్మెల్సీలు వైసీపీని వీడిన విషయం తెలిసిందే. మాజీ ఐఆర్‌ఎస్ అధికారి అయిన ఈయన 2014లో టీడీపీ నుంచి అమలాపురం ఎంపీగా గెలిచారు. తర్వాత వైసీపీలో చేరారు.