AP Politics:టీడీపీ ఎమ్మెల్యే ఏర్పాటు చేసిన ఫండ్‌కి సినీ ప్రముఖుల విరాళాలు
ఏపీలో ఎన్డీయే కూటమి ప్రభుత్వం ఏర్పాటైంది. ప్రస్తుతం చంద్రబాబు సర్కార్ రాష్ట్రాభివృద్ధిపై ప్రత్యేక దృష్టి సారించారు.
దిశ,వెబ్‌డెస్క్: ఏపీలో ఎన్డీయే కూటమి ప్రభుత్వం ఏర్పాటైంది. ప్రస్తుతం చంద్రబాబు సర్కార్ రాష్ట్రాభివృద్ధిపై ప్రత్యేక దృష్టి సారించారు. ఎన్డీయే కూటమి నేతలు నియోజకవర్గం అభివృద్ధే లక్ష్యంగా అడుగులు వేస్తున్నారు. ఈ క్రమంలో టీడీపీ నేత, ఉండి నియోజకవర్గ ఎమ్మెల్యే రఘురామకృష్ణంరాజు తన నియోజకవర్గ అభివృద్ధిలో భాగంగా డ్రైనేజి మెయింటెనెన్స్ ఫండ్ ఏర్పాటు చేశారు. దీనికి దాతలు విరాళాలు ఇవ్వాలని ఇటీవల విజ్ఞప్తి చేసిన విషయం తెలిసిందే. తాజాగా ఈ విషయానికై సినీ ప్రముఖులు స్పందించారు. ఈ నేపథ్యంలో ఈ ఫండ్‌కు నా మిత్రుడు, ప్రముఖ సినీ నిర్మాత అశ్వినీదత్ గారు రూ.5 లక్షల విరాళం ఇచ్చారు. ప్రముఖ నటుడు రావు రమేష్ కూడా రూ.3 లక్షల విరాళం అందించినట్లు తెలిపారు. వారికి నా హృదయపూర్వక కృతజ్ఞతలు అని రఘురామకృష్ణంరాజు ట్విట్టర్ వేదికగా తెలిపారు.