Eagle:గంజాయి, డ్రగ్స్ పై ఈగల్ చీఫ్ సంచలన ప్రకటన

దిశ,వెబ్‌డెస్క్: ఏపీలో ఎన్డీయే కూటమి ప్రభుత్వం(AP Government) గంజాయి, మాదకద్రవ్యాల(Drugs) పై ఉక్కుపాదం మోపేందుకు ఈగల్ (ఎలైట్ యాంటీ నార్కోటిక్ గ్రూప్ ఫర్ లా ఎన్ ఫోర్స్ మెంట్)ని అమల్లోకి తీసుకు వచ్చిన విషయం తెలిసిందే. ఈ నేపథ్యంలో ఈగల్ చీఫ్‌(Eagle Chief)గా ఆకే రవికృష్ణ(Ravi Krishna)ను నియమించారు. ఈ సందర్భంగా మీడియాతో రవికృష్ణ మాట్లాడుతూ.. డ్రగ్స్ తీసుకున్న, సరఫరా చేసినా నేరమేనని చెప్పారు. డ్రగ్స్, గంజాయి నివారణపై ప్రతి ఒక్కరికి అవగాహన అవసరమని తెలిపారు. నార్కోటిక్ డ్రగ్స్, సైకోట్రోపిక్ సబ్ స్టాన్సెస్ (NDPS) చట్టం ఎంత కఠినమైనదో అందరికీ తెలియాలని చెప్పారు. ఈ కేసుల్లో దోషులుగా తేలితే ఏడాది నుంచి 20 ఏళ్ల వరకు శిక్షలు ఉన్నాయని తెలిపారు. రూ. 2 లక్షలకు పైగా జరిమానా విధించే అవకాశం ఉందని పేర్కొన్నారు. ఈ చట్టం కింద విద్యార్థిపై కేసు నమోదైతే అతనికి చాలా నష్టం జరుగుతుందని అన్నారు.