Cm Chandrababu: వారంలో నామినేటెడ్ పోస్టుల భర్తీ

దిశ, వెబ్ డెస్క్: ఏపీలో నామినేటెడ్ పోస్టుల(Nominated Posts) భర్తీకి సీఎం చంద్రబాబు(CM Chandrababu) సన్నాహాలు చేస్తున్నారు. ఇప్పటికే 20 కార్పొరేషన్లకు నామినేటెడ్ పోస్టులు భర్తీ చేసిన విషయం తెలిసిందే. ఇప్పుడు రెండో జాబితాపై చంద్రబాబు దృష్టి సారించారు. ఈ అసెంబ్లీ సమావేశాల కంటే ముందు నామినేటెడ్ పోస్టులను భర్తీ చేయాలని కసరత్తులు చేస్తున్నారు. పార్టీ కోసం ఎవరైతే పని చేశారో వాళ్లకే పదవులు ఇవ్వాలని నిర్ణయించారు. తొలి లిస్టు కంటే ఈసారి ఎక్కువ మందికి అవకాశం కల్పించాలని చంద్రబాబు భావిస్తున్నారు. ఈ మేరకు 6 గంటలుగా సచివాలయంలో కసరత్తులు చేస్తున్నారు. క్రియాశీలకంగా పని చేసిన పలువురు పేర్లను పరిశీలించినట్లు తెలుస్తోంది. త్వరలోనే జాబితాను రెడీ చేసి పేర్లను ప్రకటించనున్నారు. కాగా తొలి జాబితాల్లో 16 మంది టీడీపీ, జనసేనకు 3, బీజేపీకి ఒక నామినేటెడ్ పదవి ఇచ్చారు. ఈ సారి విడుదల చేయబోయే రెండో లిస్టులో ఎంతమందికి పదవులు దక్కనున్నాయో చూడాలి.