Tirupati: కపిలేశ్వరాలయం పవిత్రోత్సవాలకు తేదీ ఖరారు

దిశ, తిరుపతి: తిరుపతి కపిలేశ్వరస్వామి ఆలయంలో జూన్ 30 నుంచి జూలై 2వ వరకు మూడు రోజుల పాటు పవిత్రోత్సవాలు జ‌రగ‌నున్నాయి. ఇందుకోసం జూన్ 29న సాయంత్రం 6 నుంచి రాత్రి 8 గంటల వరకు అంకురార్పణ నిర్వహిస్తారు. ఏడాది పొడవునా ఆలయంలో జరిగే అర్చనలు, ఉత్సవాల్లో తెలియక కొన్ని దోషాలు జరుగుతుంటాయి. వీటివల్ల ఆలయ పవిత్రతకు ఎలాంటి లోపం రానీయకుండా శైవాగమశాస్త్రం ప్రకారం పవిత్రోత్సవాలు నిర్వహిస్తారు. ఇందులో భాగంగా జూన్ 30న మొద‌టిరోజు ఉదయం ఉత్సవ‌మూర్తుల‌కు స్నప‌న‌తిరుమంజ‌నం, ‌సాయంత్రం క‌ల‌శ‌పూజ‌, హోమం, ప‌విత్ర ప్రతిష్ఠ నిర్వహిస్తారు. జూలై 1న రెండో రోజు ఉద‌యం గ్రంథి ప‌విత్ర స‌మ‌ర్పణ‌, ‌సాయంత్రం యాగ‌శాల‌పూజ‌, హోమం చేప‌డ‌తారు. జూలై 2న ఉద‌యం మ‌హాపూర్ణాహుతి, క‌ల‌శోధ్వాస‌న‌, ప‌విత్ర స‌మ‌ర్పణ నిర్వహిస్తారు. ‌సాయంత్రం 6 గంట‌ల‌కు పంచమూర్తులైన కపిలేశ్వరస్వామి, కామాక్షి అమ్మ, విఘ్నేశ్వరస్వామి, సుబ్రమణ్యస్వామి, చండికేశ్వర స్వామికి ఏకాంతంగా ఆస్థానం నిర్వహిస్తారు.