రూటు మార్చిన జగన్.. సంక్రాంతి నుంచి రంగంలోకి..!

దిశ, వెబ్ డెస్క్: ఏపీ మాజీ సీఎం జగన్ మోహన్ రెడ్డి(Former AP CM Jagan Mohan Reddy) దూకుడు పెంచారు. సార్వత్రిక ఎన్నికల్లో ఘోర ఓటమి చెందిన పార్టీని మళ్లీ బలోపేతం చేయాలని నిర్ణయించారు. గ్రౌండ్ లెవల్ నుంచి బలోపేతం చేసేందుకు సిద్ధమయ్యారు. ఎన్నికల్లో గెలుపే లక్ష్యంగా గతంలో పాదయాత్ర చేపట్టినట్లుగా ఇప్పుడు జిల్లాల పర్యటనకు జగన్ శ్రీకారం చుట్టారు. ఈ మేరకు సంక్రాంతి(Sankranti) నుంచి నేరుగా కార్యకర్తలను కలవనున్నారు. ప్రతి బుధ, గురువారాలు కార్యకర్తలను ఆయన కలవనున్నారు. పార్టీ బలోపేతం కోసం సలహాలు, సూచనలు స్వీకరించనున్నారు. ప్రతి పార్లమెంట్ నియోజకవర్గంలో పార్టీ నేతలు, కార్యకర్తలతో సమీక్షలు నిర్వహించనున్నారు. రోజుకు 4 అసెంబ్లీ నియోజకవర్గాల కార్యకర్తలతో జగన్ భేటీ కానున్నారు. ఈ మేరకు షెడ్యూల్ ఖరారు చేశారు.