దూసుకెళ్లిన టిప్పర్..14 గొర్రెలు మృతి
బత్తలపల్లి మండలం జ్వాలాపురం వద్ద టిప్పర్ గొర్రెల మందపై దూసుకెళ్లడంతో 14 గొర్రెలు అక్కడికక్కడే చనిపోయాయి.
దిశ ప్రతినిధి,ధర్మవరం: బత్తలపల్లి మండలం జ్వాలాపురం వద్ద టిప్పర్ గొర్రెల మందపై దూసుకెళ్లడంతో 14 గొర్రెలు అక్కడికక్కడే చనిపోయాయి. కొడకండ్ల గ్రామానికి చెందిన ఓబుళపతి అనే గొర్రెల కాపరి గొర్రెలను రోడ్డుపై నుంచి తీసుకెళ్తుండగా గొర్రెల మందపై టిప్పర్ వేగంగా దూసుకెళ్లింది. ఈ ప్రమాదంలో ఓబుళపతికి తీవ్ర గాయాలు కావడంతో అనంతపురం సవేరా ఆసుపత్రికి తరలించారు. ఈ ఘటనపై బత్తలపల్లి పోలీసులు కేసు నమోదు చేసి దర్యాప్తు చేస్తున్నారు.