అమితాబ్ త్వరగా కోలుకోవాలని… గుడి కట్టించిన అభిమాని

దిశ, వెబ్ డెస్క్: దేశంలో కరోనా వైరస్ విజృంభన కొనసాగుతోంది. రోజురోజుకూ విస్తృతంగా వ్యాప్తిస్తూ విలయతాండవం చేస్తోంది. తాజాగా బాలీవుడ్ మెగాస్టార్ అమితాబ్ బచ్చన్ ఇప్పటికే కరోనా బారిన పడిన విషయం తెలిసిందే. దీంతో ఆయన దేశవ్యాప్త అభిమానులు తీవ్ర ఆందోళన చెందుతున్నారు. ఇప్పటికే ఆయన అభిమానులైన టాలీవుడ్ మెగాస్టార్ చిరంజీవి, పవర్ స్టార్ పవన్ కళ్యాణ్‌లు బిగ్ బీ తొందరగా కోలుకోవాలని సామాజిక మాధ్యమంగా ఆ దేవుడ్ని పార్ధించారు. అభిమానులైతే ఆయన త్వరగా నయం కావాలంటూ ప్రత్యేక పూజలు నిర్వహిస్తున్నారు. కొందరు అభిమానులు అయితే ఏకంగా ఉపవాసాలు కూడా మొదలు పెట్టారు. అహ్మదాబాద్‌లో ఓ అభిమాని అయితే ఏకంగా అమితాబ్‌కు గుడి కట్టించాడు. అంతేకాదు తన షాప్‌కు కూడా అమితాబ్ పేరు పెట్టుకున్నాడు. ఇప్పుడు తన అభిమాన హీరో ఆరోగ్యం బాగు పడాలని ఆయన తన కుటుంబం, సన్నిహితులతో కలిసి ప్రార్థనలు నిర్వహించాడు. ఈ ఒక్క అభిమాని మాత్రమే కాదు ప్రస్తుతం దేశవ్యాప్తంగా ఉన్న బిగ్ బి ఫ్యాన్స్ అంతా తమ హీరో వెంటనే కోలుకోవాలని దేవున్ని ప్రార్థిస్తున్నారు.