తమన్నాతో ‘ఆహా’ అనిపించిన బన్నీ

స్టైలిష్ స్టార్ అల్లు అర్జున్ బిజినెస్ మీద కూడా దృష్టి పెట్టాడు. తండ్రి అల్లు అరవింద్ తీసుకొచ్చిన ఓటీటీ ప్లాట్‌ఫాం ‘ఆహా’ను క్లిక్ చేసేందుకు చాలా ప్రయత్నిస్తున్నాడు. నిర్మాతగా సక్సెస్ అయిన అల్లు అరవింద్.. ఓటీటీ రంగంలోనూ దూసుకుపోవాలని ట్రై చేస్తున్నాడు. పైగా ఇప్పుడు డిజిటల్ ప్లాట్ ఫామ్‌కు డిమాండ్ భారీగా పెరగడంతో ఈ లాక్‌డౌన్ కాలంలోనే ఆహా ప్లాట్‌ఫామ్‌ను ప్రజల్లోకి తీసుకెళ్లి సూపర్ హిట్ చేయాలని చూస్తున్నాడు. అందుకు అందమే అస్త్రంగా భావించిన బన్నీ.. ఓ షో కోసం హీరోయిన్‌ను వెతికే పనిలో ఉన్నారట.

బద్రీనాథ్‌ సినిమాలో తనతో కలిసి స్క్రీన్ షేర్ చేసుకున్న మిల్కీ బ్యూటీని ఇందుకోసం ఎంచుకున్న బన్నీ.. తనతో చర్చలు జరిపాడట. ఇప్పుడు సినిమాలు కూడా ఎక్కువగా లేకపోవడం, డిజిటల్ ప్లాట్ ఫామ్ ద్వారా ఆడియన్స్‌ను కలిసే చాన్స్ వస్తుండటంతో తమన్నా కూడా ఇందుకు ఓకే చెప్పేసిందట. మొత్తానికి ఇది ఒక టాక్ షో కాగా.. హోస్ట్‌గా టాలీవుడ్ హీరో హీరోయిన్లను వర్చువల్‌గా ఇంటర్వ్యూ చేయనుందట తమన్నా. స్టార్స్ అందరూ కూడా పాల్గొనే ఈ కార్యక్రమంలో మిల్కీ బ్యూటీ అందాలు, మాటలు ప్లస్ అవుతూనే.. ఆహాకు జనంలో మంచి క్రేజ్ తీసుకొస్తుందని అల్లు వారి అభిప్రాయం అంట. మరి షో ఎప్పుడు ప్రారంభం అవుతుందో చూడాలి.