కదిలే రైలు.. పోయే ప్రాణం.. క్షణాల్లో క్షేమం!
దిశ, ఫీచర్స్ : ‘కదులుతున్న ట్రైన్ నుంచి దిగడం కానీ, ఎక్కడం కానీ చేయొద్దు.. అలా చేస్తే మీరు మీ జీవితాన్ని ఇబ్బందుల్లో పెట్టుకున్నట్లే’ అని రైల్వే స్టేషన్లలో ప్రకటనలు వినిపిస్తూనే ఉంటాయి. ప్రయాణికులు ప్రమాదాల బారినపడకుండా ఉండేందుకు గాను రైల్వే శాఖ ఈ అనౌన్స్‌మెంట్ చేయిస్తుంటుంది. అయితే కొందరు మాత్రం ఇలాంటి హెచ్చరికలను పట్టించుకోకుండా ప్రమాదాలకు గురవుతూనే ఉన్నారు. తాజాగా అలాంటి ప్రమాదంలో చిక్కుకోబోయిన ఓ వ్యక్తిని కాపాడి, రైల్వే కానిస్టేబుల్ వార్తల్లో నిలిచాడు. ఇందుకు […]
దిశ, ఫీచర్స్ : ‘కదులుతున్న ట్రైన్ నుంచి దిగడం కానీ, ఎక్కడం కానీ చేయొద్దు.. అలా చేస్తే మీరు మీ జీవితాన్ని ఇబ్బందుల్లో పెట్టుకున్నట్లే’ అని రైల్వే స్టేషన్లలో ప్రకటనలు వినిపిస్తూనే ఉంటాయి. ప్రయాణికులు ప్రమాదాల బారినపడకుండా ఉండేందుకు గాను రైల్వే శాఖ ఈ అనౌన్స్‌మెంట్ చేయిస్తుంటుంది. అయితే కొందరు మాత్రం ఇలాంటి హెచ్చరికలను పట్టించుకోకుండా ప్రమాదాలకు గురవుతూనే ఉన్నారు. తాజాగా అలాంటి ప్రమాదంలో చిక్కుకోబోయిన ఓ వ్యక్తిని కాపాడి, రైల్వే కానిస్టేబుల్ వార్తల్లో నిలిచాడు. ఇందుకు సంబంధించిన వీడియోను మినిస్ట్రీ ఆఫ్ రైల్వేస్ ట్విట్టర్ వేదికగా షేర్ చేయగా, ప్రస్తుతం నెట్టింట వైరల్ అవుతోంది.
Life saving act by RPF personnel at Vasco station in SWR!
At Vasco station,a passenger tried to board the moving train 02741 Vasco-Patna express &slipped into the gap between Platform and train
Passengers are requested not to board/deboard a moving train. It may risk your life. pic.twitter.com/zkIva0rAkJ
— Ministry of Railways (@RailMinIndia) March 11, 2021
గోవాలోని వాస్కో రైల్వే‌స్టేషన్‌ ప్లాట్ఫామ్ నుంచి ‘వాస్కో-పాట్నా ఎక్స్‌ప్రెస్(02741)’ మూవ్ అవుతున్న క్రమంలో ఓ వ్యక్తి ఎక్కేందుకు ప్రయత్నించాడు. కానీ అదుపుతప్పి ప్లాట్ఫామ్ మధ్యలో చిక్కుకుపోయాడు. ఆ దృశ్యాన్ని చూసి, వెంటనే అప్రమత్తమైన రైల్వే కానిస్టేబుల్.. ప్లాట్ఫామ్, ట్రైన్‌కు మధ్యలో ఇరుక్కుపోయిన వ్యక్తిని బయటకు లాగడంతో అతడు ప్రాణాలతో బయటపడ్డాడు. కాగా ప్రయాణికుడి ప్రాణాలను కాపాడిన కానిస్టేబుల్‌ను ప్రయాణికులు, తోటి సిబ్బందితో పాటు అధికారులు మెచ్చుకున్నారు. ఇక ఈ వీడియోను చూసిన నెటిజన్లు కానిస్టేబుల్‌పై ప్రశంసల వర్షం కురిపిస్తున్నారు. ‘రియల్ హీరో’ అని కామెంట్లు పెడుతున్నారు.