రాహుల్.. నీ పని నువ్వు చూసుకో!

దిశ, వెబ్ డెస్క్:
బిగ్ బాస్ తెలుగు సీజన్ 4 ప్రతీ రోజు ఏదో ఒక ఇష్యూతో ఎంటర్‌టైన్‌మెంట్ ఇస్తూనే ఉంది. ఇంతకుముందు సిరీస్‌ల కన్నా అధిక టీఆర్పీ రేటింగ్స్‌తో దూసుకుపోతోంది. హౌజ్‌లో గొడవలు మాత్రమే కాదు.. హౌజ్ బయట వివాదాలు కూడా బిగ్ బాస్ షోను ట్రెండింగ్‌లో ఉంచుతున్నాయి. మొన్నటిదాకా నోయెల్ మీద అవినాష్, అమ్మ రాజశేఖర్‌ చేసిన కామెంట్స్, దానికి నోయల్ ఇచ్చిన రిప్లయ్ వార్తల్లో నిలవగా.. తాజాగా బిగ్ బాస్ అన్‌ సీన్ హోస్ట్ రాహుల్ సిప్లిగంజ్ కంటెస్టెంట్లకు చేస్తున్న సపోర్ట్, సోషల్ మీడియాలో పెడుతున్న పోస్ట్‌లు వివాదానికి తెరలేపాయి.

థర్డ్ సీజన్‌లో నోయెల్.. రాహుల్‌కు సపోర్ట్ చేసి విన్నర్‌గా నిలబెట్టాడు. దీంతో తను కూడా నోయెల్‌ను విన్నర్‌గా చూడాలని కోరుకున్నాడు. కానీ హోస్ట్‌గా బాధ్యతలు నిర్వర్తిస్తున్న వ్యక్తి అలా చేయాలో లేదో తెలియదు కానీ.. అలా చేయడం మాత్రం తప్పే అంటున్నారు నెటిజన్లు. సోమవారం ప్రసారం కాబోయే ఎపిసోడ్‌లో నామినేషన్స్ జరగనుండగా.. నామినేట్ అయిన కంటెస్టెంట్ల వివరాలు ముందుగానే బయటకు వచ్చాయి. దీంతో నోయెల్‌ ఫ్రెండ్‌ అభిజిత్, సోహెల్‌కు తను సపోర్ట్ చేయాల్సిన అవసరం ఉందంటూ పోస్ట్ పెట్టాడు. దీనిపై మండిపడుతున్నారు మిగతా కంటెస్టెంట్స్ ఫాలోవర్స్ అండ్ ఫ్యాన్స్.

హోస్ట్‌గా వ్యవహరించే వ్యక్తి ఇలాంటి సపోర్ట్ చేయడం బాలేదని ఫైర్ అవుతున్నారు. ముఖ్యంగా అఖిల్ ఫ్యాన్స్ రాహుల్‌పై ఫైర్ అవుతున్నారు. అభిజిత్, సోహెల్‌కు మించిన ఆట అఖిల్ కూడా ఆడుతున్నాడని.. తనకు ఎందుకు సపోర్ట్ చేయడం లేదంటున్నారు. నీ పని నువ్వు చూసుకో.. ఇలాంటి వాటిలో కలుగజేసుకోవద్దని హెచ్చరిస్తున్నారు.