100 డేస్ పూర్తి చేసుకున్న ‘ఆదిపురుష్’..

దిశ, సినిమా: బాలీవుడ్ స్టార్ డైరెక్టర్ దిగ్గజం ఓం రౌత్ పాన్ ఇండియన్ స్టార్ ప్రభాస్ కాంబినేషన్‌లో తెరకెక్కుతున్న పౌరాణిక చిత్రం ‘ఆదిపురుష్’.. 100 రోజులు చిత్రీకరణ పూర్తిచేసుకున్నట్లు మూవీ మేకర్స్ తెలిపారు. ప్రభాస్ బాలీవుడ్‌లో నటిస్తున్న స్ట్రైట్ మూవీ ఇదే కాగా.. ఇందులో రాముడుగా నటిస్తున్న సంగతి తెలిసిందే. ఈ చిత్రాన్ని తెలుగు, హిందీ భాషల్లో ఒకేసారి తెరకెక్కిస్తుండగా.. దాదాపు 500 కోట్ల రూపాయల భారీ బడ్జెట్‌తో రూపొందుతున్న ఈ చిత్రానికి ప్రభాస్ అందుకుంటున్న రెమ్యునరేషన్ కూడా భారీ స్థాయిలో ఉందని టాక్. కృతి సనన్, సన్నీ సింగ్, దేవదత్తా నాగే, సైఫ్ అలీ ఖాన్ కీలకపాత్రల్లో నటిస్తున్నారు. కృతి సనన్ సీత పాత్రలో, సైఫ్ అలీ ఖాన్ రావణాసురుడిగా, సన్నీసింగ్ లక్ష్మణుడిగా కనిపించబోతుండగా, మరికొన్ని వారాల్లో మొత్తం షూటింగ్ కంప్లీట్ చేసి, 2022 ఆగస్ట్ 8న విడుదల చేస్తామని ప్రకటించారు.