చైల్డ్ పోర్నోగ్రఫీ పై వింత కేసులు.. ఏమిటంటే ?

దిశ,మానకొండూరు; అభం శుభం ఎరుగని చిన్నారులపై లైంగిక దాడులు జరగడానికి, పెరగడానికి చైల్డ్‌ పోర్నోగ్రఫీ ఓ ప్రధాన కారణమని హైదరాబాద్ సిఐడి ఎస్పీ రఘు వీర్ అన్నారు. ఇందులో భాగంగా చైల్డ్ పోర్నోగ్రఫీని చూసి అప్లోడ్ చేసిన.. కరీంనగర్ జిల్లా తిమ్మాపూర్ మండలం నుస్తులాపూర్ గ్రామానికి చెందిన మధుకర్ రెడ్డిని అరెస్టు చేసిన సిఐడి పోలీసులు. ఎల్ఎండి పోలీస్ స్టేషన్ ఆవరణలో గురువారం ఎస్సై ప్రమోద్ రెడ్డి, సిఐ శశిధర్ రెడ్డి, సిఐడి అధికారులతో కలిసి కరీంనగర్ కరీంనగర్ రూరల్ ఏసిపి విజయ సారథి విలేకరుల సమావేశం ఏర్పాటు చేసి వారి వివరాలు వెల్లడించారు.

ప్రస్తుతం అమలులో ఉన్న కఠిన చట్టాల ప్రకారం ఇంటర్‌నెట్‌తో పాటు సోషల్‌ మీడియాలో చైల్డ్‌ పోర్నోగ్రఫీని సెర్చ్‌ చేసినా, చూసినా, డౌన్‌లోడ్, అప్‌లోడ్‌ చేసినా, నేరమే అని సైబర్‌ క్రైమ్‌ పోలీసులు స్పష్టం చేస్తున్నారు. నిషేధిత చైల్డ్ పోర్నోగ్రఫీని సెర్చ్‌ చేసిన వారిపై కఠిన చర్యలు తీసుకుంటామని హెచ్చరిస్తున్నారు. ఈ సమావేశం లో ఉమెన్ సేఫ్టీ వింగ్ ఎస్పీ రఘువీర్, సి ఐ నరేష్, ఎస్సై హరీష్, కరీంనగర్ ఏసీపీ విజయ సారథి, తిమ్మాపూర్ సిఐ శశిధర్ రెడ్డి, ఎల్ ఎం డి ఎస్సై ప్రమోద్ రెడ్డి, పోలీస్ సిబ్బంది ఉన్నారు.