Akshay Kumar: ‘సర్ఫీరా’ స్ట్రీమింగ్ డేట్ అనౌన్స్ చేస్తూ అక్షయ్ కుమార్ ఎమోషనల్ పోస్ట్

దిశ, సినిమా: బాలీవుడ్ స్టార్ హీరో అక్షయ్ కుమార్, కోలీవుడ్ లేడీ డైరెక్టర్ సుధా కొంగర కాంబోలో తెరకెక్కిన మూవీ ‘సర్ఫీరా’. దీనిని అబండెన్షియా ఎంటర్‌టైన్‌మెంట్ సూర్య హోం బ్యానర్‌ 2డీ ఎంటర్‌టైన్‌మెంట్, కేఫ్ ఆఫ్ గుడ్ ఫిలిమ్స్ సంయుక్తంగా నిర్మించాయి. అయితే ఇది సూరారై పోట్రు సినిమాకు హిందీ రిమేక్‌గా వచ్చింది.

ఇందులో సూర్య గెస్ట్ రోల్‌లో నటించి మెప్పించాడు. సర్ఫీరా జూలై 12న గ్రాండ్‌గా ప్రపంచవ్యాప్తంగా భారీ అంచనాల నడుమ విడుదలై మిక్స్‌డ్ టాక్‌ తెచ్చుకుంది. తాజాగా, సర్ఫీరా డిజిటల్ స్ట్రీమింగ్‌కు రెడీ అయినట్లు అక్షయ్ కుమార్ వెల్లడించారు. అక్టోబర్ 11 నుంచి డీస్నీ+హాట్ స్టార్‌లో అందుబాటులోకి రాబోతుంది. ఇందులో సామాన్యుడి కలలు ఎలా ఎగురుతున్నాయో చూడండి. సర్ఫీరా దునియాలో ఉన్న రూల్స్‌ను బ్రేక్ చేస్తుంది అని ఎమోషనల్ వీడియో వీడియో షేర్ చేశారు.