రేపు దద్దరిల్లనున్న హైదరాబాద్

దిశ, వెబ్‌డెస్క్: ఐపీఎల్ 2024 లో భాగంగా సన్ రైజర్స్ హైదరాబాద్ తమ మొదటి హోం గ్రౌండ్ మ్యాచ్ రేపు ఉప్పల్ స్టేడియంలో జరగనుంది. మొదటి మ్యాచ్‌లో గెలుపు అంచుల వరకు వచ్చి ఓడిపోయిన హైదరాబాద్.. హోమ్ గ్రౌండ్ లో సత్తా చాటేందుకు సిద్ధం అవుతుంది. కాగా ఈ మ్యాచుల కోసం బీసీసీఐ హైదరాబాద్ క్రికెట్ అసోసియేషన్ తో కలిసి.. గ్రౌండ్ ను అన్ని విదాల సిద్ధం చేసింది. దీంతో రేపటి మ్యాచ్ కోసం ప్రేక్షకులు భారీ ఎత్తున సిద్ధం అవుతున్నారు. అసలే సన్ రైజర్స్ జట్టుకు ఇంటి పులులు అని పేరు.

అందులో ముంబై ఇండియన్స్ జట్టుతో మ్యాచ్.. దీంతో రేపు హైదరాబాద్ దద్దరిల్లనుంది. ముఖ్యంగా ఉప్పల్ పరిసర ప్రాంతాల్లో ఆరెంజ్ ఆర్మీ కోలాహలం కనిపించనుంది. దీనికోసం.. పోలీసులు భారీగా ఏర్పాట్లు చేశారు. అలాగే ఆర్టీసీ కూడా ప్రత్యేక బస్సులను నడపనుంది. దీంతో పాటుగా గతంలో లాగనే.. రాత్రి వరకు మెట్రో ప్రత్యేకమైన సర్వీసులను అందించనున్నట్లు ప్రకటించింది. మరి మొదటి మ్యాచులో చివర్లో ఓడిపోయిన SRH జట్టు సొంత గ్రౌండ్ గెలిచి తమ సెంటిమెంట్ ను కాపాడుకుంటుందా.. లేదా తెలియాలంటే రేపటి వరకు వేచి చూడాల్సిందే మరి.