డివిలియర్స్‌ను గెలిపించిన RCB.. ఛాలెంజ్ నెగ్గడంతో ABD ఫుల్ హ్యాపీ

దిశ, వెబ్‌డెస్క్: ఐపీఎల్ 2024లో భాగంగా సోమవారం పంజాబ్ కింగ్స్‌తో జరిగిన మ్యాచులో ఆర్సీబీ ఘన విజయం సాధించింది. చివరి వరకు ఉత్కంఠగా సాగిన ఈ మ్యాచ్‌లో నాలుగు వికెట్ల తేడాతో గెలిచి.. ఈ సీజన్‌లో ఆర్సీబీ బోణీ కొట్టింది. అయితే, పంజాబ్‌పై ఆర్సీబీ విజయం సాధించడంతో ఆ జట్టు మాజీ ప్లేయర్ ఏబీ డివిలియర్స్ ఊపిరి పీల్చుకున్నాడు. దీనికి కారణం అతడు స్కాట్ స్టైరిస్‌తో చేసిన ఛాలెంజ్ గెలవడమే. పంజాబ్, ఆర్సీబీ మ్యాచుకు ముందు స్టైరిస్, డివిలియర్స్ ఛాలెంజ్ చేసుకున్నారు. ఆర్సీబీపై పంజాబ్ గెలిస్తే.. ఈ సీజన్ మొత్తం తాను చెన్నై జెర్సీ ధరిస్తానని డివిలియర్స్.. పంజాబ్‌పై ఆర్సీబీ గెలిస్తే ఇక నుండి తాను ఆర్సీబీ జెర్సీ ధరిస్తానని స్టైరిస్ ఫన్నీగా సవాల్ చేసుకున్నారు. ఈ క్రమంలో సోమవారం బెంగళూరులోని చిన్నస్వామి స్టేడియం వేదికగా జరిగిన మ్యాచులో ఆర్సీబీ విజయం సాధించింది. దీంతో డివిలియర్స్ తన ఛాలెంజ్ నెగ్గారు. మ్యాచ్ ముగిసిన అనంతరం తాను చెన్నై జెర్సీ ధరించాల్సిన అవసరం లేదని సరదాగా డివిలియర్స్ సెలబ్రేట్ చేసుకున్నాడు. స్టైరిస్, ఏబీడీ ఛాలెంజ్‌పైన నెటిజన్లు కామెడీగా రియాక్ట్ అవుతున్నారు. చెన్నై జెర్సీ ధరించడం నుండి డివిలియర్స్ తృటిలో తప్పించుకున్నాడంటూ ఫన్నీ కామెంట్స్ చేస్తున్నారు.