గాయం కారణంగా SRH మ్యాచ్‌కు మాక్స్‌వెల్‌కు దూరం.. శని వదిలిందంటున్న ఆర్సీబీ ఫ్యాన్స్
ఐపీఎల్ 2024లో భాగంగా గురువారం ముంబై, ఆర్సీబీ జట్ల మధ్య జరిగిన మ్యాచులో ఓ క్యాచ్ పట్టబోయి.. ఆల్ రౌండర్ గ్లెన్ మాక్స్‌వెల్ గాయపడ్డాడు.
దిశ, వెబ్‌డెస్క్: ఐపీఎల్ 2024లో భాగంగా గురువారం ముంబై, ఆర్సీబీ జట్ల మధ్య జరిగిన మ్యాచులో ఓ క్యాచ్ పట్టబోయి.. ఆల్ రౌండర్ గ్లెన్ మాక్స్‌వెల్ గాయపడ్డాడు. వేగంగా వచ్చిన బంతి అతని బొటనవేలుకు బలంగా తాకడంతో క్యాచ్ మిస్ చేశారు. కాగా ఆ గాయం కారణంగా మ్యాక్స్వెల్ వెంటనే గ్రౌండ్‌ను విడిచి బయటకు వెళ్ళాడు. అతని గాయం తీవ్రత అధికంగా ఉండటంతో రెస్ట్ ఇవ్వడమే మంచిదని యాజమాన్యం భావిస్తుంది. ఈ క్రమంలోనే.. ఈ నెల 15న ఉప్పల్ స్టేడియంలో జరిగే సన్‌రైజర్స్, ఆర్సీబీ మ్యాచుకు ఆల్ రౌండర్ మ్యాక్స్వెల్ ఆడకపోవచ్చని తెలుస్తుంది.
ఇదిలా ఉంటే 2023 వన్డే వరల్డ్ కప్‌లో విరోచిత ఇన్నింగ్స్ ఆడి.. జట్టుకు టైటిల్ సాధించి పెట్టిన మ్యాక్స్‌వెల్‌పై ఈ ఐపీఎల్ సీజన్‌లో ఆర్సీబీ జట్టు భారీ అంచానాలను పెట్టుకుంది. కానీ అతను తనపై పెట్టుకున్న అంచనాలను అందుకొలేపోగా.. ఫేలవమైన ఆటతీరుతో ఫ్యాన్స్‌కు కోపం తెప్పించారు. దీంతో గాయం కారణంగా మ్యాక్స్ వెల్ ఆటకు దూరం అయ్యాడు అనే వార్త రాగానే.. ఆర్సీబీ ఫ్యాన్స్ ఫుల్ కూషి అవుతున్నారు. జట్టుకు పట్టిన దరిద్రం వదిలిందని.. అతని స్థానంలో మరో మంచి ఫారెన్ ప్లేయర్‌ను తీసుకొవచ్చని ఆర్సీబీ అభిమానులు అంటున్నారు.