దిశ, స్పోర్ట్స్ : ఐపీఎల్-17లో భాగంగా ఆదివారం లక్నో వేదికగా లక్నో సూపర్ జెయింట్స్‌తో జరుగుతున్న మ్యాచ్‌లో గుజరాత్ టైటాన్స్ బౌలర్లు సత్తాచాటారు. దీంతో మోస్తరు స్కోరుకే పరిమితమైన లక్నో.. గుజరాత్ ముందు 164 పరుగుల లక్ష్యం నిర్దేశించింది. టాస్ గెలిచి ముందుగా బ్యాటింగ్‌కు దిగిన లక్నో నిర్ణీత 20 ఓవర్లలో 5 వికెట్లు కోల్పోయి 163 పరుగులు చేసింది. గుజరాత్ బౌలర్లు కట్టుదిట్టంగా బౌలింగ్ చేయడంతో లక్నో బ్యాటర్లు ధాటిగా ఆడలేకపోయారు. స్టోయినిస్(58) హాఫ్ సెంచరీతో మెరవడంతో లక్నోకు పోరాడే స్కోరు దక్కింది. కెప్టెన్ కేఎల్ రాహుల్(33), పూరన్(32 నాటౌట్) విలువైన పరుగులు జోడించారు. ఉమేశ్ యాదవ్, దర్శన్ రెండేసి వికెట్లతో సత్తాచాటారు. రషీద్ ఖాన్‌కు ఒక్క వికెట్ దక్కింది.