కేకేఆర్, ఆర్ఆర్ మ్యాచ్ రద్దు.. సెకండ్ ప్లేస్‌కు దూసుకెళ్లిన హైదరాబాద్

దిశ, వెబ్‌డెస్క్: ఐపీఎల్ 2024 సీజన్‌ లీగ్ దశలో భాగంగా కేకేఆర్, రాజస్థాన్ మధ్య జరగాల్సిన చివరి నాకౌట్ మ్యాచ్ రద్దు అయ్యింది. ఆదివారం గువాహటి వేదికగా జరగాల్సిన ఈ మ్యాచ్‌ను వర్షం కారణంగా రద్దు చేస్తున్నట్లు గేమ్ అఫిషియల్స్ ప్రకటించారు. మ్యాచ్ క్యాన్సిల్ కావడంతో ఐపీఎల్ నిబంధనల ప్రకారం ఇరు జట్లకు చెరో పాయింట్ కేటాయించారు. దీంతో పాయింట్ల పట్టికలో 20 పాయింట్స్‌తో కేకేఆర్ టేబుల్ టాపర్‌గా నిలువగా.. 17 పాయింట్లతో ఆర్ఆర్ థర్డ్ ప్లేస్‌లో నిలిచింది. అయితే, ఆర్ఆర్, ఎస్‌ఆర్‌హెచ్‌ ఇరు జట్లకు 17 పాయింట్లు ఉండగా.. నెట్ రన్ రేట్ మెరుగ్గా ఉండటంతో హైదరాబాద్ సెకండ్ ప్లేస్ దక్కించుకుంది. దీంతో క్యాలిఫయర్ 1లో భాగంగా కేకేఆర్, ఎస్‌ఆర్‌హెచ్ ఫైనల్ బెర్తు కోసం తలపడునున్నాయి. ఆర్ఆర్, ఆర్సీబీ ఎలిమినేటర్ 1 మ్యాచ్‌లో పోటీ పడనున్నాయి.