IPL 2024 : ముంబైకి షాకిచ్చిన గుజరాత్.. మోస్తరు లక్ష్యాన్ని కాపాడుకున్న బౌలర్లు

దిశ, స్పోర్ట్స్ : ఐపీఎల్-17‌లో గుజరాత్ టైటాన్స్ శుభారంభం చేసింది. తొలి మ్యాచ్‌లో ముంబై ఇండియన్స్‌కు షాకిస్తూ బోణీ కొట్టింది. మరోవైపు, తొలి మ్యాచ్‌‌ను ఓటమితో ప్రారంభించే సంప్రదాయాన్ని ముంబై జట్టు ఈ సీజన్‌లోనూ కొనసాగించింది. అహ్మదాబాద్ వేదికగా ఆదివారం రాత్రి ఉత్కంఠభరితంగా సాగిన మ్యాచ్‌లో ముంబైపై 6 వికెట్ల తేడాతో గుజరాత్ విజయం సాధించింది.

టాస్ ఓడి ముందుగా బ్యాటింగ్‌కు దిగిన గుజరాత్ జట్టు నిర్ణీత ఓవర్లలో 168/6 స్కోరు చేసింది. సాయి సుదర్శన్(45) కీలక ఇన్నింగ్స్ ఆడగా.. గిల్(31), రాహుల్ తెవాటియా(22) విలువైన పరుగులు జోడించారు. ముంబై బౌలర్లలో బుమ్రా(3/14) సత్తాచాటాడు. అనంతరం 169 పరుగుల మోస్తరు లక్ష్యాన్ని గుజరాత్ బౌలర్లు కాపాడుకున్నారు. దీంతో ఛేదనకు దిగిన ముంబై నిర్ణీత ఓవర్లలో 162/9 స్కోరుకే పరిమితమైంది. బ్రెవిస్(46), రోహిత్ శర్మ(43) కీలక ఇన్నింగ్స్ ఆడి జట్టును పోటీలోకి తీసుకొచ్చినా.. ఆ తర్వాత గుజరాత్ బౌలర్లకు ధాటికి మిగతా వారు విఫలమ్యారు. చివరి ఓవర్‌లో ముంబై 19 పరుగులు చేయాల్సిన సమయంలో ఉమేశ్ యాదవ్ అద్భుతమైన బౌలింగ్‌తో ఆకట్టుకున్నాడు. పాండ్యా(11), చావ్లా(0) వికెట్లు తీయడంతోపాటు 12 పరుగులు మాత్రమే ఇచ్చి గుజరాత్‌ను విజయతీరాలకు చేర్చాడు.