ఐపీఎల్ 2024: చెన్నై అభిమానులకు గుడ్ న్యూస్

దిశ, వెబ్ డెస్క్: బౌలింగ్ లోపం వల్ల ఉప్పల్ మ్యాచ్‌లో ఓడిపోయిన చెన్నై అభిమానులకు శుభవార్త అందింది. ఆ జట్టు స్టార్ పేసన్ ముస్తాఫిజుర్ రెహమాన్ నేటి నుంచి అందుబాటులోకి రానున్నారు. హైదరాబాద్‌తో జరిగిన మ్యాచ్ సమయంలో ముస్తాఫీజుర్ విసా పని నిమిత్తం బంగ్లాదేశ్ వెళ్లిపోయాడు. అక్కడ పని పూర్తి కావడంతో అతను తిరిగి జట్టులో చేరినట్లు తెలుస్తుంది. కాగా చెన్నై బౌలింగ్‌లో ముస్తాఫీజుర్ కీలక ఫేసర్ గా ఉన్నాడు. కాగా అతను ఇవాళ చెన్నై వేదికగా కలకత్తా జట్టుతో జరిగే మ్యాచులో ఆడనున్నట్లు ప్రకటించారు. దీంతో ఈ మ్యాచ్ లో ఇద్దరు విదేశీ ఫాస్ట్ బౌలర్లు అయిన ముస్తాఫిజుర్, పతిరణ అందుబాటులోకి రానున్నారు. దీంతో చెన్నై బౌలింగ్ మరింత పటిష్టంగా మారనుంది. చెన్నై జట్టు ఇప్పటి వరకు ఈ సీజన్ లో నాలుగు మ్యాచులు ఆడి, రెండింట్లో విజయం సాధించి పాయింట్ల పట్టికలో నాలుగో స్థానంలో కొనసాగుతుంది.