IPL 2023: విరాట్‌ కోహ్లి అరుదైన ఘనత.. ఆ జాబితాలో సెకెండ్ ప్లేస్..

దిశ, వెబ్‌డెస్క్: జైపూర్ వేదికగా రాజస్తాన్ రాయల్స్‌తో జరిగిన మ్యాచ్‌లో ఆర్సీబీ స్టార్‌ విరాట్‌ కోహ్లి అరుదైన ఘనత సాధించాడు. ఈ మ్యాచ్‌లో జైశ్వాల్‌ క్యాచ్‌ అందుకోవడం ద్వారా ఐపీఎల్‌లో అత్యధిక క్యాచ్‌లు తీసుకున్న ఫీల్డర్‌గా(నాన్‌-వికెట్‌ కీపర్‌) కోహ్లి సెకెండ్ ప్లేస్‌కి చేరుకున్నాడు. కీరన్‌ పొలార్డ్‌ 103 క్యాచ్‌ల రికార్డును కోహ్లి బ్రేక్‌ చేశాడు. ప్రస్తుతం కోహ్లి 104 క్యాచ్‌లతో రెండో స్థానంలో ఉండగా.. 109 క్యాచ్‌లతో సురేశ్‌ రైనా తొలి స్థానంలో కొనసాగుతున్నాడు.