IPL 2023: లక్నోకు భారీ షాక్‌.. కేఎల్‌ రాహుల్‌‌కు గాయం

దిశ, వెబ్‌డెస్క్: IPL 2023లో భాగంగా ఆర్సీబీతో జరుగుతోన్న మ్యాచ్‌లో లక్నో టీమ్‌కు భారీ షాక్ తగిలింది. లక్నో కెప్టెన్‌ కేఎల్‌ రాహుల్‌‌కు గాయమైంది. ఈ మ్యాచ్‌లో ఫీల్డింగ్ చేస్తుండగా.. బంతిని ఛేజ్ చేస్తూ తొడ కండరాలు పట్టేయడంతో స్టేడియాన్ని వీడాడు. ఇన్నింగ్స్ 2 ఓవర్‌లో డుప్లెసిస్ కొట్టిన షాట్‌ను ఛేజ్ చేస్తూ రాహుల్ కిందపడిపోయాడు. దీంతో నొప్పిని తట్టుకోలేక ఇబ్బందిపడ్డాడు. దీంతో కృనాల్‌ పాండ్యా లక్నోకు సారధ్యం వహిస్తున్నాడు. ఈ మ్యాచ్‌లో ఆర్సీబీ టాస్‌ గెలిచి తొలుత బ్యాటింగ్‌ ఎంచుకుంది. ఆర్సీబీ ఓపెనర్లు విరాట్‌ కోహ్లి (21), డుప్లెసిస్‌ (21) పరుగులు చేశారు. 6 ఓవర్లకు వికెట్‌ నష్టపోకుండా 42 పరుగులు చేసింది.