IPL 2023: ప్లే ఆఫ్‌, ఫైనల్‌ మ్యాచ్‌ తేదీలు ఖరారు..

దిశ, వెబ్‌డెస్క్: IPL 2023 16వ సీజన్‌ రసవత్తరంగా సాగుతుంది. ప్రతీ మ్యాచ్‌ ఆసక్తిగా సాగడంతో పాటు స్టేడియాలన్ని ప్రేక్షకులతో నిండిపోతున్నాయి. ఇక టీఆర్పీ రేటింగ్‌ అయితే మునుపెన్నడు లేని విధంగా రికార్డులు బద్దలుకోడుతున్నాయి. మరో వారంలో లీగ్‌లో తొలి దశ మ్యాచ్‌లు ముగియనున్నాయి. దీంతో బీసీసీఐ తాజాగా శుక్రవారం ప్లేఆఫ్‌ మ్యాచ్‌లు, ఫైనల్‌ మ్యాచ్‌ తేదీలు, వేదికల వివరాలను వెల్లడించింది. ఐపీఎల్‌ 16వ సీజన్‌లో లీగ్‌ మ్యాచ్‌లు మే21 తో ముగియనున్నాయి.

అనంతరం మే 23న (మంగళవారం) తొలి క్వాలిఫయర్‌, మే 24న (బుధవారం) ఎలిమినేటర్‌ మ్యాచ్‌, మే 26న (శుక్రవారం) క్వాలిఫయర్‌-2 జరగనున్నాయి. ప్రతిష్టాత్మక ఫైనల్‌ మ్యాచ్‌ మే 28న(ఆదివారం) జరగనుంది. కాగా తొలి క్వాలిఫయర్‌తో పాటు ఎలిమినేటర్‌ మ్యాచ్‌కు చెన్నై ఆతిథ్యం ఇవ్వనుండగా.. క్వాలిఫయర్‌-2తో పాటు ఫైనల్‌ మ్యాచ్‌కు అహ్మదాబాద్‌ ఆతిథ్యం ఇవ్వనుంది. మ్యాచ్‌లన్నీ రాత్రి 7:30 గంటలకు ప్రారంభం కానున్నాయి.