IPL 2023: స్టన్నింగ్‌ క్యాచ్‌తో అరుదైన జాబితాలో సన్‌రైజర్స్ కెప్టెన్..
IPL 2023లో భాగంగా హైదరాబాద్‌లోని ఉప్పల్ స్టేడియం వేదికగా ముంబై ఇండియన్స్‌తో జరుగుతున్న మ్యాచ్‌లో సన్‌రైజర్స్ హైదరాబాద్ కెప్టెన్ అరుదైన జాబితాలో చేరాడు.
దిశ, వెబ్‌డెస్క్: IPL 2023లో భాగంగా హైదరాబాద్‌లోని ఉప్పల్ స్టేడియం వేదికగా ముంబై ఇండియన్స్‌తో జరుగుతున్న మ్యాచ్‌లో సన్‌రైజర్స్ హైదరాబాద్ కెప్టెన్ అరుదైన జాబితాలో చేరాడు. ఈ మ్యాచ్‌లో ఐడెన్‌ మార్క్రమ్‌ స్టన్నింగ్‌ క్యాచ్‌తో మెరిశాడు. మార్కో జాన్సెన్‌ బౌలింగ్‌లో ఇన్నింగ్స్‌ 12వ ఓవర్‌‌లో మిడాఫ్‌ దిశగా సూర్య కుమార్‌ భారీ షాట్‌ ఆడగా.. అక్కడే ఉన్న మార్క్రమ్‌ ఎడమవైపుకు డైవ్‌ చేస్తూ అద్బుతంగా క్యాచ్‌ తీసుకున్నాడు. దీంతో సూర్య కుమార్‌ నిరాశగా పెవిలియన్‌ బాట పట్టాడు.
అయితే అంతకముందు ముంబై కెప్టెన్ రోహిత్‌ శర్మ, ఇషాన్‌ కిషన్‌ల క్యాచ్‌లు తీసుకుంది కూడా మార్ర్కమ్‌ కావడం విశేషం. ఈ నేపథ్యంలో ఐపీఎల్‌లో ఒక మ్యాచ్‌ ఇన్నింగ్స్‌లో తొలి మూడు క్యాచ్‌లను ఒకే ప్లేయర్‌ తీసుకోవడం ఇది 4వ సారి. ఈ రికార్డును ఇంతకుముందు కేన్‌ రిచర్డ్‌సన్‌ వర్సెస్‌ ఎస్‌ఆర్‌హెచ్‌ 2014లో, హార్దిక్‌ పాండ్యా వర్సెస్‌ సీఎస్‌కే 2015లో, ఫాఫ్‌ డుప్లెసిస్‌ వర్సెస్‌ కేకేఆర్ 2019లో ఉన్నారు.
Did You Watch - Two stupendous catches by the #SRH Skipper @AidzMarkram ends Ishan Kishan and Suryakumar Yadav's stay out there in the middle.#SRHvMI pic.twitter.com/a1sGNjV6r1
— IndianPremierLeague (@IPL) April 18, 2023