ఐపీఎల్ 2024: కీలక మ్యాచ్‌లో టాస్ ఓడిన ఢిల్లీ క్యాపిటల్స్

దిశ, వెబ్‌డెస్క్: ఐపీఎల్ 2024 కీలక ఘట్టానికి చేరువలో ఉంది. ఈ సీజన్ లో ఇప్పటి వరకు 63 మ్యాచులు పూర్తి కాగా.. నేడు 64 మ్యాచ్ లక్నో, ఢిల్లీ జట్ల మధ్య జరగనుంది. సోమవారం.. కేకేఆర్, గుజరాత్ మ్యాచ్ వర్షం కారణంగా రద్దు కావడంతో ప్లే ఆఫ్ రేసులో లక్నో, ఢిల్లీ జట్ల ఆశలు మెరుగయ్యాయి. కాగా ఈ రోజు ఢిల్లీ వేదికగా జరుగుతున్న అత్యంత కీలకమైన మ్యాచ్ లో టాస్ గెలిచిన లక్నో జట్టు మొదట బౌలింగ్ ఎంచుకుంది. దీంతో ఢిల్లీ మొదట బ్యాటింగ్ చేయాల్సి ఉంది. ఇదిలా ఉంటే ఈ సీజన్ లో ఇప్పటి వరకు మొత్తం 13 మ్యాచులు ఆడి ఢిల్లీ 6 మ్యాచుల్లో విజయం సాధించి పాయింట్ల పట్టికలో 6వ స్థానంలో కొనసాగుతోంది. మరోపక్క లక్నో 12 మ్యాచులు ఆడి, ఆరు విజయాలతో 12 పాయింట్లు సాధించి ఏడో స్థానంలో ఉంది. ఈ రోజు జరిగే మ్యాచులో లక్నో గెలిస్తే.. ప్లే ఆఫ్ రేసులో కొనసాగుతోంది. అయితే భారీ తేడాతో గెలవాల్సి ఉంది. ఈ మ్యాచ్ లో ఎవరు గెలుస్తారో తెలియాలంటే మ్యాచ్ పూర్తయ్యే వరకు వేచి చూడాల్సిందే మరి