సన్‌రైజర్స్ ఫ్యాన్స్‌కు బ్యాడ్ న్యూస్.. సీజన్ మొత్తానికి ఆ ప్లేయర్ దూరం..!
హోమ్ గ్రౌండ్‌లో దంచికొడుతూ మంచి విజయాలను అందుకుంటున్న సన్ రైజర్స్ కు షాక్ తగలనుంది.
దిశ, వెబ్‌డెస్క్: హోమ్ గ్రౌండ్‌లో దంచికొడుతూ మంచి విజయాలను అందుకుంటున్న సన్ రైజర్స్‌కు షాక్ తగలనుంది. శ్రీలంక స్టార్ ఆల్ రౌండర్ హసరంగా ఈ సీజన్ మొత్తానికి దూరం అవ్వనున్నాడు. మినీ వేలంలో హసరంగను 1.5 కోట్లకు యాజమాన్యం కొనుగోలు చేయగా.. జట్టులో జాయిన్ కాకుండానే అతను సీజన్ మొత్తానికి దూరం అవుతున్నాడు. ఎడమ మడమ నొప్పితో బాధపడుతున్న హసరంగా గాయం నుంచి పూర్తిగా కోలుకున్నారు. అయినప్పటికీ.. కొద్ది నెలల్లోనే టీ20 వరల్డ్ కప్ ఉండటంతో అతనికి పూర్తిగా రెస్ట్ ఇవ్వాలని శ్రీలంక క్రికెట్ బోర్డు నిర్ణయించుకుంది. దీంతో అతన్ని ఐపీఎల్ లో కూడా ఆడకుండా ఉండాలని రెస్ట్ తీసుకోవాలని హసరంగకు బోర్డు సూచించినట్లు ప్రముఖ స్పోర్ట్స్ న్యూస్ సంస్థ తెలిపింది. దీంతో హసరంగా ఐపీఎల్ 2024 సీజన్ మొత్తానికి దూరం అవ్వడం కాయం గా కనిపిస్తుంది. దీనిపై హైదరాబాద్ జట్టు అధికారిక ప్రకటన విడుదల చేయాల్సి ఉండగా.. ప్రస్తుతం హసరంగా శ్రీలంకలోనే రెస్ట్ తీసుకుంటున్నారు.