ఐపీఎల్ నుంచి వెళ్లిపోయిన ఇంగ్లాండ్ ప్లేయర్లు.. షాక్‌లో రాజస్థాన్ జట్టు

దిశ, వెబ్‌డెస్క్: ఐపీఎల్ 2024లో 62 మ్యాచులు పూర్తయ్యాయి. అయినప్పటికీ కేవలం ఒక్క జట్టు మాత్రమే ప్లే ఆఫ్స్ కు అర్హత సాధించింది. మిగిలిన మూడు స్థానాల కోసం రాజస్థాన్, చెన్నై, సన్‌రైజర్స్, ఆర్సీబీ తో పాటు మరో మూడు జట్లు పోటీ పడుతున్నాయి. ఈ క్రమంలో టీ 20 వరల్డ్ కప్ లో స్థానం దక్కించుకున్న ఇంగ్లాండ్, న్యూజిలాండ్ ప్లేయర్లు తమ సొంత దేశాలకు వెళ్లిపోయారు. దీంతో కీలక ప్లేయర్లు వెళ్లడంతో రాజస్థాన్, చెన్నై, ఆర్సీబీ జట్లకు షాక్ తగిలినట్టైంది. ముఖ్యంగా రాజస్థాన్ రాయల్స్ విజయాలలో కీలక పాత్ర పోషించిన బట్లర్ వెళ్లిపోవడంతో కీలక మ్యాచుల ముందు భారీ కుదుపు గా క్రికెట్ విశ్లేషకులు చెబుతున్నారు. అతని స్థానంలో రాజస్థాన్ రాయల్స్ జట్టు ఎవరిని ఆడిస్తుందో ఇంకా ప్రకటించలేదు.