IPL 2024: నిన్న గొడవ జరిగిన జరిగిన తర్వాత కోహ్లి సంచలన నిర్ణయం.. సీరియస్ అవుతున్న ఏబీ డివిలియర్స్

దిశ, ఫీచర్స్: ఇండియన్ ప్రీమియర్ లీగ్ (IPL 2024) యొక్క నియమాలు, సాంకేతికత గురించి ప్రస్తుతం చర్చలు జరుగుతున్నాయి. ఇప్పటికే ఇంపాక్ట్‌ ప్లేయర్‌ నిబంధనపై భారత కెప్టెన్ రోహిత్ శర్మ, మాజీ క్రికెటర్లు ఇప్పటికే అసంతృప్తి వ్యక్తం చేసిన సంగతి తెలిసిందే. ఇటీవల కోల్‌కతా నైట్ రైడర్స్, రాయల్ ఛాలెంజర్స్ బెంగళూరు మధ్య జరిగిన మ్యాచ్‌లో కోహ్లి అవుట్ పై , రిఫరీ నిర్ణయంపై దక్షిణాఫ్రికా మాజీ ఇంటర్నేషనల్, ఆర్‌సీబీ ఆటగాడు ఏబీ డివిలియర్స్ ఆగ్రహం వ్యక్తం చేశాడు. తన క్రికెట్‌లో మెరుగుపడాల్సిన విషయాల గురించి ట్వీట్ చేశాడు.

కోల్ కతాలోని ఈడెన్ గార్డెన్స్ వేదికగా ఏప్రిల్ 21వ తేదీ ఆదివారం మధ్యాహ్నం కేకేఆర్, ఆర్సీబీ మధ్య మ్యాచ్ జరిగిన సంగతి తెలిసిందే. నిర్ణీత 20 ఓవర్లలో 6 వికెట్లు కోల్పోయి 222 పరుగుల భారీ స్కోరు నమోదు చేసింది KKR. ఆర్సీబీ 221 పరుగులు చేసింది. టోర్నీలో కేవలం ఒక పాయింట్ తేడాతో ఏడో ఓటమి. అయితే ఆ మ్యాచ్‌లో కోహ్లీని ఔట్ చేసిన తీరు వివాదాస్పదమైంది. మంచి ఫామ్‌లో ఉన్న కోహ్లి తప్పుడు నిర్ణయంతో పెవిలియన్‌కి వెళ్లాల్సి వచ్చిందని, ఇలాంటి ఘటనల వల్ల జట్టు ముఖ్యమైన మ్యాచ్‌లు కోల్పోతున్నదని కొందరు అంటున్నారు.

కేకేఆర్ బౌలర్ హర్షిత్ రాణా తన మూడో ఓవర్ తొలి బంతికే ఫుల్ టాస్ వేశాడు. కోహ్లి క్రీజు నుంచి బయటకు రాగానే బంతి నేరుగా హర్షిత్ రాణా చేతుల్లోకి వెళ్లింది. రిఫరీ "కాట్‌ అండ్ బౌల్డ్‌" అని పిలిచాడు. ఈ నిర్ణయంపై కోహ్లీ ఆగ్రహం వ్యక్తం చేశాడు. బంతి తన కంటే ఎత్తుగా ఉందన్నది కోహ్లీ వాదన. వెంటనే అతను రివ్యూ కోరాడు.అయినా ఫలితం దక్కలేదు. దీంతో ప్లే ఆశలు ఆవిరయ్యాయి. ఈ మ్యాచ్ తర్వాత ఆర్సీబీ అభిమానులు ఫైర్ అయ్యారు. ఇలా మీరు తప్పుడు అవుట్ లు ఇస్తుంటే.. నెక్స్ట్ సీజన్ కి గుడ్ బై చెప్పి టోర్నీ నుంచి మా కోహ్లీ అన్న తప్పుకోవడం పక్కా అని కామెంట్స్ చేస్తున్నారు.