దంచి కొట్టిన అభిషేక్ శర్మ.. మరో వేగవంతమైన అర్ధ సెంచరీ

దిశ, వెబ్‌డెస్క్: హైదరాబాద్ లోని ఉప్పల్ స్టేడియంలో జరుగుతున్న 8వ మ్యాచ్ లో సన్ రైజర్స్ బ్యాటర్లు రెచ్చిపోయి ఆడుతున్నారు. ఓపెనర్ హెడ్ ఫోర్లు, సిక్సర్లతో రెచ్చిపోయాడు. అలాగే ఫస్ట్ డౌన్ లో వచ్చిన యువ బ్యాటర్ అభిషేక్ శర్మ తన బ్యాట్ తో ముంబై బౌలర్లను షేక్ చేసాడు. కేవలం 16 బంతుల్లోనే 3 ఫోర్లు, 6 సిక్సర్లతో అర్ధ సెంచరీ పూర్తి చేసుకున్నాడు. కాగా ఇది సన్ రైజర్స్ జట్టు తరఫున రెండో ఫాస్టెస్ హాఫ్ సెంచరీ కాగా.. ఇదే మ్యాచ్ లో మొదటి ఫాస్టెస్ట్ హాఫ్ సెంచరీ నమోదు కావడం విశేషం. ఈ మ్యాచులో హైదరాబాద్ జట్టు 10 ఓవర్లు ముగిసే సరికి 148 పరుగుల భారీ స్కోరు చేసింది.