టీ20 వరల్డ్ కప్‌లో వెస్టిండీస్ కు షాక్.. సెమీస్ చేరిన సౌతాఫ్రికా

దిశ, వెబ్ డెస్క్: టీ20 వరల్డ్ కప్ లో అత్యంత కీలకమైన మ్యాచ్ లు జరుగుతున్నాయి. సెమిస్ రైస్ కోసం ఈ రోజు వెస్టిండీస్, సౌతాఫ్రికా జట్ల మధ్య మ్యాచ్ జరిగింది. సెమీస్‌రేసులో కీలకమైన ఈ మ్యాచులో టాస్ గెలిచిన సౌతాఫ్రికా జట్టు బౌలింగ్ ఎంచుకుంది. దీంతో మొదట బ్యాటింగ్ చేసిన వెస్టిండీస్ బ్యాటర్లు మరోసారి పేలవమైన ఆట తీరును కనబరిచారు. నిర్ణీత 20 ఓవర్లలో 8 వికెట్ల నష్టానికి కేవలం 135 పరుగులు మాత్రమే చేశారు. అనంతరం 136 పరుగుల స్వల్ప లక్ష్యంతో దిగిన సౌతాఫ్రికాకు రస్సెల్ ఒకే ఓవర్ లో ఓపెనర్లు ఇద్దరిని అవుల్ చేసి షాక్ ఇచ్చాడు. కానీ ఇంతలో వర్షం కారణంగా దాదాపు ఒక గంటపాటు మ్యాచ్ నిలిచిపోయింది. దీంతో డీఎల్ఎస్ పద్దతి ద్వారా వర్షం ఆగిన తర్వాత 17 ఓవర్లకు 123 పరుగుల లక్ష్యాన్ని సౌతాఫ్రికకు ఇవ్వగా.. చివరి ఓవర్ వరకు మ్యాచ్ ఉత్కంఠగా సాగింది. అయినప్పటికి స్వల్ప స్కోరును సౌతాఫ్రికా 16.1 ఓవర్లలో 7 వికెట్లను కోల్పోయి చేదించింది. దీంతో మూడు వికెట్ల తేడాతో విజయం సాధించిన ఆ జట్టు నేరుగా సెమీ ఫైనల్ చేరుకుంది. కాగా గ్రూప్ 2 నుంచి ఇంగ్లాండ్, సౌతాఫ్రికా జట్లు సెమీస్ చేరాయి.