తిరుపతి జిల్లాలో భారీగా గంజాయి స్వాధీనం

దిశ ప్రతినిధి,తిరుపతి:ఎస్పీగా బాధ్యతలను చేపట్టిన రెండవరోజు గంజాయిపై ఉక్కుపాదం మోపరు తిరుపతి ఎస్పీ సుబ్బారాయుడు. గంజాయి అక్రమ రవాణా పై ప్రత్యేక దృష్టి సారించారు. ఈ క్రమంలో తిరుపతి జిల్లా పోలీసులు గూడూరు రైల్వే స్టేషన్‌లో భారీగా గంజాయిని స్వాధీనం చేసుకున్నారు. అనకాపల్లి నుంచి చెన్నైకి తరలిస్తున్న 23.4కేజీల గంజాయి స్వాధీనం చేసుకున్నారు. స్వాధీనం చేసుకున్న గంజాయి విలువ లక్ష 17 వేల రూపాయలు ఉంటుందని అంచనా వేశారు. ముగ్గురిని అదుపులోకి తీసుకున్నట్లు తెలిపారు. అందులో ఒకరు పరారీలో ఉన్నారని చెప్పారు. పట్టుబడిన నిందితులు చెన్నై వాసులుగా గుర్తించారు. తాజాగా ఈ వివరాలను ఎస్పీ సుబ్బారాయుడు మీడియాకు వెల్లడించారు.