రోడ్డు ప్రమాదంలో ఈగలపెంట కానిస్టేబుల్ మృతి

దిశ, అచ్చంపేట : సోమవారం అచ్చంపేట పట్టణ శివారులో భారత్ పెట్రోల్ పంపు సమీపంలో రెండు బైకులు ఎదురెదురుగా ఢీకొన్న సంఘటనలో కానిస్టేబుల్ శీను స్పాట్ లోని మృతి చెందినట్లు స్థానికులు తెలిపారు. స్థానికుల సమాచారం మేరకు వివరాలు ఇలా ఉన్నాయి. ఈగలపెంట పోలీస్ స్టేషన్ లో విధులు నిర్వహించుకుని సోమవారం ఇంటికి వెళ్తున్న క్రమంలో అచ్చంపేట ప్రధాన రహదారి హనుమాన్ మెకానిక్ ముందు రోడ్డుపై రెండు బైకులు ఢీ కొనడంతో కానిస్టేబుల్ శ్రీను( 34) తలకు బలమైన గాయం తో రక్తస్రావం అధికం కావడంతో అక్కడికక్కడే మృతి చెందినట్లు తెలిపారు. ఈ ప్రమాదానికి సంబంధించి పూర్తి వివరాలు తెలియాల్సి ఉంది. ఈ సంఘటనపై అచ్చంపేట పోలీసులు కేసు నమోదు చేసుకుని దర్యాప్తు చేస్తున్నామన్నారు.