తిరుపతి ప్రసాదం ఇచ్చేందుకు వెళ్తూ మృత్యువాత

దిశ,తిరుమలాయపాలెం : తిరుపతి ప్రసాదం ఇచ్చేందుకు వెళ్తూ ఓ వ్యక్తి మృత్యువాతపడ్డాడు. ఈ సంఘటన ఆదివారం తిరుమలాయపాలెం మండలంలో చోటుచేసుకుంది. స్థానికులు, పోలీసుల వివరాల ప్రకారం ఖమ్మం నగరం మమ్మీలగూడెంకు చెందిన సోమేశ్వరావ్ (48) కుటుంబ సభ్యులతో కలిసి మూడు రోజుల క్రితం తిరుపతి దేవస్థానానికి వెళ్లి వచ్చారు. మహబూబాబాద్ జిల్లా మరిపెడ బంగ్లా మండలం ఎల్లంపేటలో ఉన్న సోమేశ్వరావ్ తల్లిదండ్రులకు తిరుపతి ప్రసాదం ఇచ్చేందుకు ఆదివారం మధ్యాహ్నం మమ్మీలగూడెం

     నుంచి స్కూటీ పై బయల్దేరి వెళ్తుండగా మార్గంమధ్యలోని తిరుమలాయపాలెం గ్రామం వద్ద తిరుమలాయపాలెం గ్రామానికి చెందిన వ్యక్తి బైక్​ వచ్చి ఢీ కొట్టింది. ఈ ప్రమాదంలో సోమేశ్వరావ్ తలకు బలమైన గాయమైంది. తిరుమలాయపాలెం గ్రామంలోని ప్రభుత్వ ఆస్పత్రికి తరలించగా పరీక్షించిన వైద్యులు అప్పటికే మృతి చెందినట్లు తెలిపారు. మరో బైక్ నడుపుతున్న ఇద్దరు యువకులు సురక్షితంగా బయటబడ్డారు. కుటుంబ సభ్యుల ఫిర్యాదు మేరకు కేసు నమోదుచేసి దర్యాప్తు చేపట్టినట్లు ఎస్సై గిరిధర్ రెడ్డి తెలిపారు.