మెట్ పల్లి బాలుడి కిడ్నాప్ కేసులో బిగ్ ట్విస్ట్

దిశ,మెట్ పల్లి : జగిత్యాల జిల్లా మెట్ పల్లి పట్టణంలో రెండేళ్ల బాలుడిని కిడ్నాప్ చేసిన నిందితుడి విచారణలో సంచలన విషయాలు బయటకు వస్తున్నాయి. నిందితుడు ఇస్లావత్ నగేశ్,అతని భార్య లావణ్య మూడు నెలల్లో ముగ్గురు పిల్లలను కిడ్నాప్ చేశారు. ఇద్దరిని ఈ ఏడాది జూన్ లో అమ్మినట్లు తేలింది.మంగళవారం రాత్రి రెండేళ్ల బాలుడిని కిడ్నాప్ చేసిరూ. 1.50లక్షలకు అమ్మకానికి ఒప్పందం కుదుర్చుకుని దొరికిపోయిన విషయం తెలిసిందే. కాగా జూన్ లో ఆరేళ్ల అమ్మాయిని మేడిపల్లి మండలం పోరుమల్ల గ్రామానికి చెందిన ఓ వ్యక్తికి రూ.2 లక్షలు,మరో మూడేళ్ల అమ్మాయిని మెట్ పల్లి పట్టణం హనుమాన్ నగర్ కు చెందిన ఓ వ్యక్తికి రూ.1.50లక్షలకు అమ్మినట్లు విచారణలో తేలినట్లు తెలుస్తోంది.