టిప్పర్ ఢీకొని వ్యక్తి మృతి

దిశ,హన్వాడ : రోడ్డు దాటుతుండగా లారీ ఢీకొని వ్యక్తి మృతి చెందిన ఘటన శుక్రవారం మధ్యాహ్నం సమయం లో మహబూబ్ నగర్ జిల్లా కేంద్రంలో పిస్తా హౌస్ బైపాస్ దగ్గర జరిగింది. హన్వాడ మండలం వేపూర్ గ్రామానికి చెందిన చాకలి బుడ్డ యాదయ్య (45) రోడ్డు దాటుతుండగా లారీ ఢీకొని తీవ్రగాయాలయ్యి అక్కడికక్కడే మృతి చెందాడు. బతుకుదెరువు కోసం గత కొంతకాలంగా మహబూబ్ నగర్ పట్టణంలో నివాసం ఉంటూ వంట మాస్టర్ గా ఫంక్షన్ లకు వంటలు చేసుకుంటూ జీవనోపాది కొనసాగిస్తున్నాడు. అంతలోనే ఈ రోడ్డు ప్రమాదంలో మృతి చెందడం తో వారి కుటుంబం పెద్ద దిక్కును కోల్పోయారు. మృతుడికి భార్య, కొడుకు, కూతురు ఉన్నారు.