దూల్పేట్‌లో 1.07 కేజీల గంజాయి స్వాధీనం..ఇద్దరిపై కేసు నమోదు

దిశ,కార్వాన్ : దూల్పేట్ ఆపరేషన్ లో భాగంగా ఎక్సైజ్ సూపరిండెంట్ ఎస్టీఎఫ్ టీం లీడర్ ఎన్ అంజిరెడ్డి ఆధ్వర్యంలో సోదాలు నిర్వహించి 1.07 కేజీల గంజాయిని పట్టుకున్నారు. ఇద్దరిని అదుపులోకి తీసుకున్నారు. ఆదివారం దూల్ పేట్ లోని లోధా భవన్ నుంచి హజారి హోటల్ మధ్య చేపట్టిన వాహన తనిఖీల్లో స్కూటీపై అప్పర్ దూల్పేట్ కి చెందిన నవీన్ సింగ్ ,గౌతమ్ సింగ్ అనే ఇద్దరు వ్యక్తులు గంజాయి తీసుకు వెళుతున్నట్లు వచ్చిన సమాచారం మేరకు వారిని పట్టుకొని తనిఖీ చేయగా గంజాయి లభించింది.

వీరిద్దరూ ఎనిమిది మంది వద్ద 30 గ్రాములకు రూ.1500 చొప్పున డబ్బులు తీసుకొని గంజాయిని వారికి సరఫరా చేయడానికి వెళుతున్న క్రమంలో ఎక్సైజ్ పోలీసులకు పట్టుకున్నారు. ఈ ఆపరేషన్ లో అంజిరెడ్డి తోపాటు దూల్పేట్ ఎక్సైజ్ సిఐ గోపాల్, ఎస్ టీ ఎఫ్ ఎస్ సిబ్బంది భాస్కర్ రెడ్డి, శ్రీధర్,అజిత్ ప్రకాష్, రాకేష్రా,రాహుల్ ప్రభు ఉన్నారు.